व्यास नगरपालिकाले कोभिड-१९ को बिरुद्द नगर क्षेत्रमा सञ्चालन गरेको अभियानको प्रभावकारिता सम्बन्धमा समिक्षा गर्ने क्रम सुरु गरेको छ

 व्यास नगरपालिकाले कोभिड-१९ को बिरुद्द नगर क्षेत्रमा सञ्चालन गरेको अभियानको प्रभावकारिता सम्बन्धमा समिक्षा गर्ने क्रम सुरु गरेको छ । हरेक दिन बिहान ८:३० वजे समिक्षा गर्ने गरीएको  छ । नगर प्रमुख वैकुण्ठ न्यौपानेको संयोजकत्वमा, उप-प्रमुख, प्रमुख प्रशासकिय अधिकृत, सम्बन्धित वडाका वडाध्यक्ष र स्वास्थ्य प्रमुखको उपस्थितिमा समिक्षा गर्न सुरु गरिएको हो ।  

 जस अन्तरगत आज विहिबार बसेको समिक्षा बैठकले कोभिड-१९ का लागि आवश्यक औषधि जन्य एवं अन्य स्वास्थ्य उपकरणहरु उपलब्ध गराईदिनु भनि एस.वो.एस(SOS) बालग्राम र गोर्खा वेलफेयर ट्रष्टमा सहयोगका लागि अनुरोध गरेको छ । यस्तै नगरपालिकाको व्यास-०२ स्थित कृषि विकास वैंकको भवनमा कोभिड-१९ विरामीहरुको उपचारका लागि स्थापना गरिएको आईसोलेसन केन्द्रका लागि आवश्यक १ जना  एम.वि.वि.एस चिकित्सक नियुक्त गरिएको छ 

  हरेक दिन हुने समिक्षाका क्रममा वडा एवं नगर स्तरमा कोभिड-१९ का बिरुद्द सञ्चालन गरिएका कार्यक्रमहरु, त्यसको प्रभावकारिता, नगरबासीहरुबाट आएको गुनासोलाई कार्यान्वयन गर्न चाल्नुपर्ने कदम लगाएतका विषयमा छलफल गर्ने गरिएको नगर प्रमुख वैकूण्ठ न्यौपानेले जानकारी दिनुभयो । यसैविच आईसोलेसनका लागि नयाँ नियुक्त गरिएका डाक्टर र व्यास न.पा अन्तरगतका १४ वटै वडाका कोभिड-१९ का सम्पर्क व्यक्तिहरुसंग नगरपालिकाले विहिबार एक अन्तरक्रिया गरेको छ । त्यसक्रममा नगर प्रमुख वैकुण्ठ न्यौपानेले चिकित्सक एवं फोकल पर्सनहरुलाई निर्धक्क भएर कोभिड-१९ का संक्रमितहरुको सेवामा आत्मबलका साथ जुट्दै आ-आफ्नो कार्य क्षेत्रमा भुमिका निर्वाह गर्न आग्रह गर्नुभयो

।।